Ինչպե՞ս դեմքի մաշկի համար ճիշտ քսուք ընտրել

Քսուքներ, դիմակներ, փիլինգ ու սկրաբ... Չկա մի կին, որ կյանքում գոնե մեկ անգամ օգտագործած չլինի դրանք: Սակայն նույնիսկ իրենց դեմքի մաշկն ամեն օր խնամող կանանցից քչերն են ճիշտ կողմնորոշվում խանութներում առկա առատ տեսականու մեջ:

Ինչ գնել, ինչպիսին է դեմքի լավագույն քսուքի բաղադրությունը: Մասնագետներն ասում են, որ այն, ինչ մեկի համար լավագույնն է, մյուս կնոջ համար կարող է ալերգիայի, պիգմենտների առաջացման պատճառ դառնալ:

Քսուքներ ընտրելու համար նախ պետք է կողմնորոշվել, թե ինչպիսին է ձեր դեմքի մաշկը` նորմալ, ճարպոտ, չոր թե՝ համակցված: Ու դրանից հետո միայն ուսումնասիրել քսուքի բաղադրությունը:

Դիմահարդար Լիաննա Ավագյանը համակցված մաշկ ունեցողներին խորհուրդ է տալիս նախ ուշադրություն դարձնել քսուքներում որոշ քիմիական տարրերի առկայությանը: Նախապատվություն տալ կալցիումի ու ցինկի առկայությանը, որոնք ոչ միայն հակաբորբոքային ազդեցություն ունեն, այլև լավացնում են արյան շրջանառությունը:

Ճարպոտ մաշկի դեպքում պետք է գնել համեմատաբար թեթև, ոչ խիտ գելեր` նախընտրելի հանգստացնող թուրմերի, А և Е վիտամիննեի, ցինկի ու ծծմբի ալատոնինի, հակաբորբոքային բիսաբոլոլի պարունակությամբ:

Չոր մաշկի պարագայում լավագույնը գլիցերինի պարունակությամբ քսուքներն են: Ըստ նրա, նորմալ մաշկի համար նախատեսված քսուքները, որպես կանոն, հեղուկ են լինում և խոնավեցնող տարրեր են պարունակում: Ամենահաճախ հանդիպողը պրոպիլեն գլիկոլն է (propylene glycol): Կարծիք կա, որ այն բացասաբար է ազդում մաշկի վրա, սակայն առանց դրա պարունակության քսուք գտնելը գործնականում անհնար է: Դրա ազդեցությունը հնարավորինս չեզոքացնելու համար միակ բանը,որ կարող եք անել, այնպիսի քսուք գնելն է, որի բաղադրությունում պրոպիլեն գլիկոլն ամենավերջին տեղերից մեկում է:

Հիշեցնենք, որ «Բաղադրություն» տողում առաջին տեղում նշվում է այն նյութը, որի մասնաբաժինը տվյալ ապրանքում ամենամեծն է: Բաղադրիչները տեղադրվում են ըստ մասնաբաժնի նվազման կարգի:

Լավ խոնավեցնող միջոց է նաև սորբիտոլը, կարող են օգտագործվել նաև հանքային յուղեր, ջրիմուռների թուրմեր(algae extract): Իսկ մաշկի պաշտպանության համար ավելացվում են ուլտրամանուշակագույն ֆիլտրեր, պաշտպանող միջոցներ` երիցուկի,ալոեյի թուրմեր այլն:

- Եթե դուք 30-ն անց եք, ապա ընտրեք հակաօքսիդանտներ` Е վիտամին կամ tocopherol acetate , А և С վիտամին, սելեն և այլն պարունակող քսուքներ: Գերադասելի է նաև դրանցում մաշկի բջիջների գործունեությունը խթանող ֆերմենտների առկայությունը,- ասում է դիմահարդարը Emporium.am-ի հետ զրույցի ժամանակ:

Ինչ վերաբերում է պիտակին, ապա, ըստ Լիաննա Ավագյանի, դրա բաղադրությունը քչերը կարող են հասկանալ, քանի որ հիմնականում քիմիական միացությունների անվանումները լատիներեն են: Թերևս, սովորական մարդու համար միակ հասկանալին բաղադրության առաջին տեղում նշվող ԱԿՎԱՆ` ջուրն է:

Քանակով երկրորդը, որպես կանոն, գլիցերինն է: Խոնավեցնող այդ նյութին հաջորդում են մաշկի վրա փափկեցնող ազդեցություն ունեցող բազում նյութեր: Ամենաշատը սինթետիկ էմոլենտներն են, դրանք siloxane վերջավորությամբ, ապա Oil և Butter վերջավորություններով բնորոշվող բնական էմոլենտներն են, որոնց հաջորդում են բնական մեղրամոմը՝ dimethicone –ը, որը մաշկը պաշտպանում է արտաքին վնասակար ազդեցությունից, պահպանում է մաշկի խոնավությունը: Այս բաղադրիչը կա բոլոր քսուքներում և, բացի դրական ազդեցությունից, ունի նաև բացասականը` այն կարող է ալերգիա առաջացնել…

Քիմիական միացությունները շատ են և հիշելը բավականին բարդ , ուստի և դիմահարդարը խորհուրդ է տալիս հիշել միայն այն նյութերը, որոնց առկայությունը քսուքի բաղադրությունում վտանգավոր է ոչ միայն առողջության, այլև կյանքի համար…

Sodium Lauryl Sulfate ( SLS, Լորել, նատրիումի սուլֆատ, լոուրետ սուլֆատ ): Դուք այս նյութի պարունակության մասին ոչ մի քսուքի գովազդում չեք լսի, քանի որ այն մաշկի խնամքի միջոցներում օգտագործվող 884 բաղադրիչներից ամենավտանգավորն է:

Propilene Glycol` քաղցր, քայքարիչ հեղուկ… Արդյունաբերության մեջ պրոպիլենն օգտագործվում է որպես ջրատար համակարգի անտիֆրիզ, կամ էլ որպես արգելակների հեղուկ:

Mineral oil` նավթաքիմիական թափոններից ստացվող տեխնիկական յուղ

Petrolatum (Պետրոլատ )` պարաֆին, պարաֆինային յուղ-նավթաքիմիական ճարպ

Խուսափեք գնել այն քսուքները, որոնք PEG-ով սկսվող կամ -eth, laureth, ceteareth-ով ավարտվող նյութեր կան:Կամ բաղադրիչների շարքում նշվում են paraben` methylparaben, ethylparaben, propylparaben և այլն, ինչպես նաև՝

• DMDM hydantoin
• Imidsazolidinyl urea
• Methylchloroisothiazolinone
• Methylisothiazolinone
• Triclosan
• Triclocarban
• Triethanolamine (TEA),
• DMDM Hydantoin
• Ceteareth
• Lactic acid,
• Glycolic acid,
• AHA,
•  BHA

Խուսափեք նաև FRAGRANCE/PARFUM, FD&C, D&C, CI նշագրում ունեցողներից:

Այսպիսի բաղադրիչներ չպիտի լինեն նաև դեմքի խնամքի այլ միջոցներում, ասենք՝ դիմակներում և սկրաբերում:

Եվ վերջում, նախապատվություն տվեք հնարավորինս կարճ պահպանման ժամկետով քսուքներին: Որքան կարճ է այն, այնքան քսուքը բնական է: Իսկ եթե այդպիսին չեք գտնում, գոնե համեմատաբար վերջերս արտադրվածը գնեք` իր խոսքն է եզրափակում մասնագետը:

Հարցեր, պատասխաններ, մեկնաբանություններ